Нэгэнт л юм хийхээр болсон юм чинь боломжийн дажгүй ном хийхийг маш их зорьлоо. Хэвлэлийн 200 орчим компаний байх бөгөөд эдгээрээс үнэ болон чанар, зах зээлд эзлэх хувь нэр хүндийн хувьд Соёмбо принтинг ХХК тэргүүлэгчдийн нэг юм байна. Иймээс энэ компанийг сонгосон бөгөөд стандарт жишгийн дагуу ISBN код авчихлаа.

Номыг маш жижигхэн авсаархан байхаар бодож А5 болон В5 ийн дундаж хэмжээгээр хийсэн бөгөөд түүнд зориулж нэрийн цаасан уут хийхээр бодлоо. Иймээс цаасны хувьд хамгийн чанартай цаасыг сонгосон шиг цаасан торны хувьд хамгийн зузаан цаасыг сонголоо. Гэвч зузаан цаасан тор нь нугалагдаж болдоггүй юм байна. Ер нь архи энэ тэр л хийхгүй бол нимгэн цаасыг сонгодог гэнэ. Миний мэдлэггүй байдал захиалгын менежерийн туршлагагүй байдл нийлж зузаан цаасаар уутны захиалга өгснөөс болж ном хүлээгдэж байснаас хэд хоногоор хоцорч гарлаа.

Мөн цаашид номтой холбоотойгоор нэгэн зүйл бэлдэж буй бөгөөд хэрэв та номыг худалдан авсан бол тэр нэмэлтийг үнэгүй авах эрхтэй бөгөөд энэхүү эрх нь эхний 47 хүнд хадгалагдана. Иймээс та ном авсан тухайгаа блог болон фэйсбүүк хуудсаар дамжуулан бүртгүүлэх хэрэгтэй бөгөөд тэр нэмэлтийг гарсны дараа 47 уулаа нэг энгийн уулзалт хийж тэр нэмэлтээ гардуулах болно. Энэхүү уулзалт нь даруухан сүү уусан 30 минутын уулзалт байх бөгөөд үүнээс их зүйлийг даан ч хийх боломж, чадал надад байхгүй юмаа. Тэр нэмэлт гарсны дараа багцаа өргөжүүлж номны үнийг нэмэгдүүлж магадгүй бөгөөд одоогийн байдлаар номыг 7000 төгрөгөөр хэрэв надтай холбоо барин авахаар бол urland_az@yahoo.com  болон www.urland.tk байх болно. Тэр нэмэлт үү? Гоё зүйл бий. Таны төсөөлж байгаа яг мөн… хэхэ… Харин эхний 47 худалдан авагчийг бол урамшуулж байга ухаантай байхаар сонгож авлаа.  Яагаад дөчин долоо гэж үү? 247 гэдгийн сүүлийн 2 орон нь ш тээ.

Номыг одоогийн байдлаар дараах дэлгүүрүүдээр борлуулж байна.

1. Билэг их дэлгүүрийн номын дэлгүүр
2. Минж их дэлгүүрийн номын дэлгүүр
3. Оргилу худалдааны төвийн номын дэлгүүр
4. Баянгол их дэлгүүрийн үүдний бичиг хэрэг
5. Эрдэм номын дэлгүүр
6. Алтантүлхүүр номын дэлгүүр
7. Багшийн дээдийн Анар ном бичгийн дэлгүүр
8. Багшийн дээдээийн зүүн хаалганы бэлэг дурсгалын дэлгүүр
9. Багшийн дээдийн Сонор плакагийн Голден Бүүкс ном бичиг хэрэгийн дэлгүүр
10. Метро маллын номын дэлгүүр
11. Зоос гоёл дэлгүүрий баруун талын бэлэг дурсгалын дэлгүүр
12. Мишээл экспо төвийн номын дэлгүүр
13. Бөмбөгөр худалдааны төвийн номын дэлгүүр
14. Интерном номын их дэлгүүр
15. Номин их дэлгүүрийн номын тасаг
16. Нацагдоржийн номын сангийн Ухаан далай номын дэлгүүр
17. Монгол ном номын дэлгүүр
18. Ачлал их дэлгүүр дэх Мир ном
19. Гранд плаза дах Мир ном
20. Улаанбаатар их дулгүүр дэр Мир ном
21. Скай дэх Мир ном
22. Боловсрол номын дэлгүүр
23. Эрвээхэй номын дэлгүүр

Та хаана номыг тавьбал зохижтой талаар мэдэгдвэл сайн ба  ном авахар ороход тань ном байхгүй байгаа газруудыг нэрлэж тус болбол тун сайн байна. Номын талаарх санал, зөвлөмж, шүүмж, магтаалыг сайшаалтайгаар хүлээн авна.

Илүү дэлгэрэнгүй http://urland.tk/ хаягнаас.

1. Хайрын тухай бодол буюу хайрын бэлгийн ном байж болох уу?

Хайрын тухай яриа, бодол хүн бүрт байдаг байх. Хүн бүр хэн нэгнийг хайрлахыг, хайрласан нэгнээ улам илүү хайрлахыг, илүү баярлуулахыг хүсдэг байх гэж би боддог. Хайр бол бидэнд өгсөн бурхны хамгийн том бэлэг билээ. Удалгүй Валентины баяр болно, бас Эмэгтэйчүүдийн баяр болно, бас цэргийн баяр. Тэгж байтал хайртай  нэгний чинь төрсөн өдөр болно. Тэр болгонд зориулан хамгийн гос, хамгийн содон, хамгийн ихээр хайртыгаа баярлуулах нэгэн бэлгийг бодож та тархиа бас гашилгаж байна уу? Үнийн хувьд боломжийн боловч үнэ цэнэ нь маш их бэлэг бол БИ ЧАМД ХАЙРТАЙ – ХАЙРЫН НОМ байх болно.Үнэхээр өдий болтол яг ийм төрлийн хэрэгцээг хангахуйц ном Монголд одоо болтол хэвлэгдээгүй байгаа билээ. Энэ бол хамгийн анх удаа хийгджэ буй бөгөөд зөв аль эсвэл буруу болсныг минь уншигч та л шийдэх болно.

2. Би хэн бэ буюу хайрын ном бичихийн өмнө

Би бараг 10 орчим жил янзан бүрийн шүлэг, өгүүлэг оролдож байсан билээ. Миний өнгөрсөн жилүүдэд бичсэн хайрын тухай шүлгүүдээс хамгийн шилдэг нь гэсэн цөөхөн хэдэн шүлгээ шигшин энэхүү номыг Валентины баяраас өмнөхөн гаргахаар зэхэж байна. Номонд дан ганц хайрын тухайн шүлгүүд байх бөгөөд дээр номын хавтасны дизайныг харуулав. Ном маань хэмжээний хувьд жижигхэн авсаархан бөгөөд хамгийн урд хуудсанд миний бичсэн бичил захиа байгаа. Мөн номоо болон бусад жижигхэн зүйлсээ хийх авсаарахн хайрцагтай билээ. Номын ковер болон хайрцагны загварыг дээр үзүүлэв. Гом харагдаж байгааздээ. Ийм тансаг бэлэг таныг хүлээж байгаа болно.

3. Хаанааас хэзээ бэ?

Номыг 2 сарын 10 дотор багтаан номын бүх дэлгүүрээр худалдаалах бөгөөд номын тухайн илүү дэлгэрэнгүйг номын Фэйсбүүк бүлэг болон хуудаснаас авч болно. Мөн харилцах хаягаар надтай харилцах боломжтой бөгөөд санал зөвлөмж хамтран ажиллах бүхийл боломжит хувилбарууд байж болно.

Тийм тэнэг надад дурласан чамайг

Тэнэг гэж хэлэх ч багадна….

Тэврэхэд зүрхэнд мэдрэгддэг

Тийм дотно чамайг хайрласан намайг

Азтай гэж хэлэх ч багадна …..

Үнэхээр гоё гэж итгүүлчихбэл

Үхэхийн төлөө өөрийг минь хороох

Үнэнчхэн минь, дурлал минь

Үхэтлээ би чамайг хайрлах ганцхан хүсэлтэй.

Би чамд хайртай-Хайрын номоос)

Чиний мэдэхгүй надаас

Чамд зориулж захиа бичиж сууна.

Чамд хайртай би

Чиний тухай үнэнээ хэлж байна.

Чамд таалагдах юм сан гэсэн

Хэтэрхий гэнэн хүсэлд минь

Хэн нэгэн хэрэггүй үг хэлнэ.

Чамайг хайрлах юм сан гэсэн

Хэт дэврүүн бодол минь

Хэзээ ч бүтэхгүй мэт санагдана.

Хэзээ нэгэн цагт

Чамайг огт таньдаггүй байсан гэж бодохоор

Хэрхэх гэж амьдарч байснаа гайхдаг.

Хэзээ нэгэн цагт

Чамаас хэзээ ч салахгүй гэж надад хэлнэ гэж

Чиний ирээдүйг зөгнөн суудаг.

Өөрөө түүндээ итгэж байшин бариад

Өглөө болгон цэцэрлэгээ усалж байна гэж

Өчнөөн жил мөрөөдлөө.

Өдий болтол үлгэр минь биелсэнгүй ч

Өнөөдөр ахиад л шинээр нь зохиож сууна.

Автобусанд бүгд ном уншдаг болчихож…

Анир чимээгүй, мөнгөө төлж явдаг болчихож…

Хүмүүс тэнэг болчихож…

Соёлт ертөнцийн шинэ төрх даанч надад таалагдсангүй

Сонгодог шүлэгчийн үг бүүр ч таалагдсангүй.

Хүмүүс тэнэг болчихож…

Номын дэлгүүрт ганцхан миний ном зарагдаж

Нойр нь хүрэхгүй хүмүүс миний шүлгийг уншиж

Хүмүүс тэнэг болчихож.

Яагаад бүтээмжийн жил гэж, яагаад бүтээмж тийм чухал гэж гэдэг асуулт зүй ёсоор бидэнд тавигдана. Магадгүй саяхан ерөнхийлөгчийн зарлигаар илүү бүтээмжтэй байгууллагад алтан гэрэгэ олгох тухай шийдвэрийг сонссон байх. Ерөөсөө бид төдийгүй бүгд яагаад бүтээмжийг тэгж чухалчлаад байна вэ?

Бүтээмж бол товчхондоо богино хугацаанд их ажил хийх, бага зардлаар их бүтээгдэхүүн хийх тухай асуудлыг хөндөж байгаа юм.

Орц нь түүхий эд, хангамжийн материал, цаг хугацаа, хүн, тоног төхөөрөмж гэх мэт үйлдвэр, үйлчилгээнд оролцож буй бүрэлдэхүүнүүд юм. Гарц нь бүтээгдэхүүн, борлуулалт, мөнгө, ашиг гэх боловсруулагдаж буй зүйлс аж.